Setlogo Sa Batau

Sereto sa BaMokoena'a Mmadira Re bana ba Dinkwenyana Matšedi, bana Mmaswi Rrago Nkgwai. Re bana Mmangakane Lesibe ba Motebejane ba koto letshela legora leng la hlabana ntwa Maroteng. Ke morobo wo mogolo wa Mmadira morobo seetiša marole pele ditšhošane tša šala morago. Re bowa kua GaSeša sefehla mollo ba bagolo batla ka go ora, batla ka go iša diatla. Re bowa mo go bowago batho ele go Seokoseokodibeng sa merithi mebedi, meraro menya maloba. Ga kgomo gopola Mmoko segopela Matebele gaSekgope selalatšhidi’a marumo a mantšana. Re bowa Sebegane sedimong maropeng a matala, moo go hwilego boMmaswi masenyeletša ngwana’a Makgahlela le Lesiba. Re baTswako re tšwa gabo Mmaselepe’a Mahlako maekaeka bare go selepe gomela ge ele mere o remile o tlaba wa rema mehlare ya borwa ya gose rengwe. Re bana ba Kobjana nkapešane kobo se tla ka Mabasa go swana le Makgahlele le Lesiba…(kea go leboga Motodi Lipson Mokete kago nkgopotša go ngwala sereto se. Moloto!).